Plata forma occitana de Narbona
Per la Primièra Republic Federala e Democratica dels Païses d’Òc.
Aquel jorn lo 27 de genier del 2007 a Narbona, al nom del principe de la liura associacion, nosautres ciutadins occitans decidem la constitucion d’un Govern Provisòri de la Republica Federala e Democratica d’Occitània . Aquel Govern Provisòri a per objectiu de metre en plaça un processùs democratic en vista de crear la Primièra Republica Federala e Democratica d’Occitània .
Considerant la Declaracion universala dels dreches de la persona umana de 1948, qu'establis dins l'article de son preambule que : « cadun pòt se prevaler de totes los dreches e de totas las libertats, sensa distinccion de raça, de color, de sexe , de lenga , de religion, d'opinion politica o de tota autra opinion, d'origina nacionala o sociala, de fortuna, de naissença o de tota autra situacion » ;
Considerant lo Pacte internacional dels dreches civics e politics del 16.12.1966, e aquel de la meteissa annade relatiu als dreches economics socials e culturals, que declaran en preambule, que l'èsser uman pòt pas èsser liure se si crean pas las condicions que li permeten de profechar tant de sos dreches civils e politics que de sos dreches economics, socials e culturals » ;
Considerant la declaracion de la Comission interamericana dels dreches umans sus los dreches dels pòples indigènas adoptade lo 18.09.1995 ;
Atendut que la majoritat de las lengas amenaçadas dins lo monde apertenen a de pòples non sobeirans e que dos dels principals factors qu'empachan lo desvelopament d'aquelas lengas e acelèran lo processùs de substitucion linguistica son l'absença d'autonomia politica e la pratica dels estats que impausan lor estructura politica, administrativa e lor lenga ;
Atendut que la Declaracion universala dels dreches collectius dels pòples, adoptade en mai de 1990 a Barcelona , declara que tot pòple a lo drech d'exprimar e de desvelopar sa cultura , sa lenga e sas règlas d'organisacion, a per aiçò, de se donar d'estructuras politicas, d'educacion, de comunicacion e d'administracion publica pròpras dins un cadre politic distinch ;
Article 1) : L’objectiu es d’entretenir de relacions de solidaritat, de tolerança e de patz dins lo monde , ancin qu'amb totis los membres de la comunitat interterritoriala dels Païses d'Òc. L’objectiu es de desvelopar de ligams privilegiats amb los organismes e formacions politicas, qu'òbran democraticament per l'emancipacion e l'autonomia de las Regions e dels Pòples en Euròpa e dins lo Monde . Particularament al nivel del seguit de las relacions transfrontalièras francesas, cordialas e frairalas amb lo Pais Basc Nòrd, Catalonha del Nòrd, Corsega, Savòia , Andòrra e Monegue. Aquela politica serà egalament desplegada al nivel exagonal, amb la Bretanha, lo Pais Flamand, e los Païses d'Oltra-Mar.
Article 2) : dins lo respect del drech internacional, notadament european, obrarem per una autonomia sempre grandissanta per devolucion de poder dels Estats francés, italian e espanhòl al profiech dels Païses d’Òc.
Aquela Republica obrarà al desvelopament economic, al progrès social d'Occitània tota.
Desveloparà lo plurilinguisme. La lenga d’Òc dins lo respect de sos dialectes existents serà ensenhat dins totis los establiments educatius publics e privats.
Article 3) : Los ciutadans de la Republica dels Païses d'Òc, poiràn causir, per la dobla nacionalitat, segon lo sector transfrontalier ont son situats. Un estatut particular serà egalament acordat als transfrontaliers occitans de Catalonha e del Pais Basc.
Article 4) : La plata forma de Narbona a per òbra d'elaborar la primièra Constitucion qui fixarà las modalitats juridicas e administrativas d'aplicacion, relativas al bon derolament de las instanças de decisions auprès de las ciutadanas e dels ciutadans, e de designar un executiu de transicion (o Govern Provisòri), cargat de metre en plaça progressivament, dins lo respect de la convencion republicana dels dreches de la persona umana, e per de vias democraticas, auprès de las instanças europèas e internacionalas, la 1èra Republica Federala e Democratica dels Païses d'Òc.
Article 5) : L'executiu de transicion, dins sas premièras instanças designarà lo Govern Provisòri, constituit d'un President, d’un Primier ministre, de 7 ministres e d'un cert nombre de secretaris ministerials. Las atribucions d'aicestes dos darriers seràn plaçadas jos la responsabilitat d'un Primier ministre designat per lo President. Los membres d'aquel Primier govern seràn pas retribuats, mas totis los mejans possibles e necessaris per menar a ben lor mission deuràn èsser meses a lor disposicion. Los resultats d'aquelas nominacions seràn anonciadas per l'executiu de la Plata forma de Narbona.
Article 6) : lo govern serà constituit del President, del Primier ministre, Ministèri de l’Economia - Finanças, del Comerci, de l’Industria, de l’Artisanat a de l’Agricultura ; del Ministèri de la Santat e de l’Environament ; del Ministèri de la Joventut, dels Espòrts e dels Afaires Socials ; del Ministèri de la Cultura , de l’Educacion e de las Arts ; del Ministèri de la Comunicacion, Informacion e dels Transpòrts ; del Ministèri de la Justìcia e del Ministèri dels Afaires etrangièrs, de la Defensa e de l’Interior. Seràn segondats per de secretaris ministerials de regions sus de sectors relatius a la coordinacion administrativa generala, e en estrecha relacion amb lo cabinet del Premier ministre.
Article 7) : lo Govern Provisòri aurà per òbra de metra en plaça un processùs democratic, per loqual los Ciutadans dels Païses d'Òc poiràn liurament causir per referendum de devenir ciutadans d'aquela Primièra Republica, los resultats obtenguts determineràn la basa de l'impòst que serà collectat per las regions, a partir d'un coeficient de reparticion per ajudar a las collectivitats territorialas en dificultat.
Article 8) : al cas que lo "òc" a la constitucion d'una republica autonoma, siguesse majoritari, un escrutin decentralisada serà mesa en plaça en vista d'elegir lo President de la Republica, e los conselhiers regionals per regions, per una durada de cinc ans, aicestes auràn per mission de se constituir en Parlement legislatiu dels Païses d'Òc, en reunions plenàrias. Lo nombre de voses obtengudas sus l'ensem dels Païses d'Òc, determinarà lo pretz de l'impòst global mès a la disposicion del fonccionament de la Republica, que dins un primier temps poirà empruntar auprès d'organismes financiaris de la Comunitat Europèa e Internacionala a des tauces fixes e revisablas a la baissa , totis los dos o tres ans, segon la conjonctura economica.
Al cas que lo "non" siguesse majoritari, una analisi de la situacion s’impausarà tot en preservant los aquistes favorables al pòple occitan.
Article 9) : lo President de la Republica causirà, segon las disposicions de l'article 7, entre los membres del Parlement una Primiera Ministra o un Primier ministre, cargat de constituir un govern composat de personalitats de la vida civila o d'elegits del Pòple representatius de las regions dels Païses d'Òc. Aquel primier govern poirà èsser remunerat parcialament, segon de modalitats que seràn determinadas per lo Parlament de las Regions, que legiferarà sus l'estatut dels elegits.
Article 10) : cada assemblada departementala elegida, jos l'autoritat dels Cònsuls de Regions, nomenats per lo Govern, deurà metre en plaça d'eleccions comunalas, en vista d'elegir los cònsols e conselhièrs de comunas e aglomeracions dels Païses d'Òc. Cada cònsol, poirà assumar un mandat auprès de las instanças departementalas de son departament, al prorata del nombre d'electors de sa comuna. Cada comuna poirà prelevar una taxa adaptada als revenguts dels contribuables perfin d'organisar de projects d'interés general.